ومع كل وجع يجي الوجع اللي أصعب منه ومع كل بهدلة تيجي بهدلة أكتر منها.. طب ما كفاية!! لماذا تقف بعيداً ؟!!! انت ساكت ليه على الظلم ده كله؟! في اللحظة اللي تفتكر ربنا نسيك أو أهملك أو ركنك.. تأكد إن ده مش على طول يا حبيبي.. لازم هيصالحك ولازم هيحايلك ولازم هتشوفه بعينيك.. ولازم يمسح الدمعة من عينك.. لأنه لا يمكن أن ينسى المسكين إلى الأبد، رجاء البائيسين لا يخيب إلى الدهر.. فيه تعزيات مؤقتة وفيه تعزيات أبدية.. ربنا ساعات يقولك أيه: انت نفسك تتعزى.. طب أنا بس مش كل مرة تتعزى على الأرض أو تبقى طالبها اديهالك.. فيه تعزيات في السما غالية قوي.. دي مضمونة ومستنياك.. التعزيات اللي على الأرض دي أنا بقى أديهالك شوية أخدها شوية سبهالي انا الحتة دي.. في السما هتفهم.. هتعرف.. هتصالح ربنا.. هتفضل تشكره على الوقت الصعب اللي اختفى فيه وعلى الوقت اللي وقف من بعيد.. يارب لماذا تقف بعيداً ولماذا تختفي في أزمنة الضيق؟! #أبونا_داود_لمعي